Ch'Paul : - Dis, tchot Mond, diminche on vot' ! Pour tchèche éq tu t'in vos voter ?
Tchot Mond : - A n' t'erbé point, èch votage, i l'est secret, heureuz' mint !
Ch'Paul : - Pour seur qu' heureuz'mint... Un coeud, j'em' sus porté, j'ai ramassé eine casaqu' ; ch' lundi, j' vos vir l'un-l'eute... Au soère, j'em' sus d'mandé manq' as' fouait eq' j' n' étouais point passé, vu eq' tous chés geins i s'avouaientt' voté pour mi !
Tchot Mond rit, mais tchot Paul continue : - Tu pus rigoler, ch'est vrai !
Tchot Mond : - Dis ch’Paul, tu n' conouais point l'darnière ach' candidat ed' Gratt’panche ? Ch’est un collègu’ qui m’él l’o raconteu !
Ch’ Paul : - Ec' mint vu-tu qu' j'èl sèche ?
Tchot Mond : - O' n sait jamouais, vu qu' tu connouais gramint d' monde ! J'e n'sais même pu sin nom, infin bref qu'importe ! V'lo ti point qui l'arrive dins un tchot poeys, Rumigny, j’peinse…, i preint sin pincieu, d'èl colle, ein'ne affiche avu sin portrait... I l'colle sur ein'ne pilasse... I r' bé à droite, à gueuche, person'ne dins chés rues... Il arrache èch' portrait ed sin voezin ! In intindant quéc' coze, i r'monte dins s'voéture, pi i l'oublie sin pot d'colle pis ch'pincieu !
Paul rit à s' teurde : - Ec' mint vu tu qu'on vote pour un citoyen qui l'oublie toute dins chés rues ?
Tchot Mond : I n' auro toujours point em' voé !