I y o ein homme dins min poéys qui dit tout l'temps : «Cha pourrouait ête pir' !!!»
Si dins ch'poste on dit, q'dins ein accidint d'ecmin d'fer, i y o 25 morts, li i dit : «Cha pourrouait ête pir', i y'aurouait pu n'n'avoère trinte ! ... »
Si dins ch'journal i yo martché qu'eine fâme al o ieu es' gambe copée, i dit : «Cha pourrouait ête_pir', a l'aurouait pu avoèr' chés 2 ! ... »
Pis toujours comme cho, i trouve toujours tchèkcoze éd pir' quind on i dit ein'ne mauvaise nouvelle.

Un bieu jour, ses copins qui c'minchouaientt' a n' n'avoère leu carque éd' ses «Cha pourrouait ête pir' ! . . .», i décid'tent d'i invinter tchèkcoze où i pourro point dire es' fameuse phrase. Après s'ête creusé leu tête, i l'voètent ach' bistrot.
I ien o un qui li dit :
- Tchot Mond, il est mort !
(point d'réponse !... )
- Tchotte Marthe al est morte !
(point d'réponse !...
- Tchot Mil' il est mort !
(après un momint)
- Ec'min qu'a s'est passé» qui l'i d'mande.
- Ch'est point difficile : tchot Mil', i rinte à s'moézon, i trouv' s'fâme tchotte Marthe, coutchée avu tchot Mond ! Quoè qui fouait ? I preind sin fusil, i tue tchot Mond pis tchotte Marthe, pi i s'tue après.
Dins seul coeud on intind :
- Cha pourrouait ête pir' ! ...

Ec'mint cha pourrouait ête pir' ? Tu n' n'os d'boènnes !
Alors ch'ga i dit :
- Bé ouais, cha pounouait ête pir' ; pass'que, si ch'avouait été hier, ch'étouait mi qui prenouait ch'coeud d'fusil, vu qu'j'étouais coutché avu tchotte Marthe ! ... »