Ed' z'histoères ed' pétcheux, pis d'cacheux, ch'est toudis, éd'z'histoères ed' minteux ! ...
I y o à l'Coeuchie, un pétcheux qu'ch’ est ch' Roé d'chés minteux ! D’abord ; o l’appelle « tchot Mond ch’minteux ».
Mêm' qu'i l'attrape errien, i dit qu'i l'o fouait eine rud' fritur’ !
I y o des coeuds, i rimplit sin sac avu d'el'paille pour qu'on croèche qu’i l'est rimpli d'pichons !
Quind i d'vize ach bistrot, on l'intind dire :
- J'ai attrapé eine brèm’ comme cho ...» (en montrant son bras)
- J'ai attrapé eine andgille comm’ in lite ...
- J’ai attrapé ein breuchet éd 10 lives...

L'aute coeud i dit à ch'Paul
Tchot Mond : - J'ai attrapé eine perqu’ comme cho !
(En tendant le bras gauche et en frappant avec l'autre main sur son coude)
Ch'Paul : - A forche éd taper d’sus tin bro, tu vos avir des bleus !
Tchot Mond : - Em' pèque a l'étouait pliée in deux, j'ai ieu in rud' mo por l’ermonter.
Ch'Paul : - T'avouais qu’à d’mabnder à Momo qu’i vienche avu sin beudet !Tes seur éq' ch'étouait point eine balein’ eq' t'os attrapé !
Tchot Mond : - Arrête dé t'moquer d'mi.
Quind jé n'in ratraprai eine éj t'appell'rai si t'es à tin gardin.
Eine poère éd jours après ch'Paul, (ein bladgeux d'première), i l'étouait dins sin gardin rue d'ech Marais. I voé tchot Mond ermonter boère ein canon ach buralist, aussitôt, i déchind al’ l'intaille à Cot.
A ch’ momint lo, i iavoé un ballage à côté. I preind eine veill' coeuchure, i l’ l'accroche al péque ed tchot Mond, pi i r'tourne à sin gardin.

Au bout d'un momint, Tchot Mond i r'déchint. I n’voé pu sin bouchon. Contint, i tire ... pi i crie : - Ch'Paul, ch'Paul, viens vir’ jé n' n'ai eine , ch’est seur’mint eine gross’ !
Ch'Paul accourt : - Pour mi , ch'a doé être eine tanche ! A l'est au moins comme cho …
(en tapant sur sin bros)

La chaussure finit par se décoller du fond et remonte à la surface.

Tchot Mond : - Cré canaille ! Ch'est - ti qui m’o fouait eine blague ! Ej' t'aurai ein eute coeud.
Croyez mé, d 'pi ch' jour lo , tchot Mond, i n'attrape pu errien.